Khat

Sabse achhe khat wo nahi hote,
Jinki likhaawat sabse saaf hoti hai,
Jinki bhasha sabse khfeef hoti hai,
Wo sabse achche khat nahi hote.
Jinki likhawat chaahe gadda madda hoti hai,
Par padi jo saaf saaf jaati hai,
Sabse achhe khat wo hote hai,
JInki bhasha ubad khabad hoti hai,
Par bhagate bhagate bhi hum jinhe pad lete hain,
Jske shabd chahe dhunhdle ho,
Par jisse ek chehara saaf jhalakta hai,
Jo mil jaate hain samay se,
Aur milte hi jinhe pad liya jaata hai.
Wo khat sabse achhe nahi hote,
Sab ki nazar bacha jinhe hum chhupa dete hain,
Aur bhagate firte hain saare din unki khushi me,
Shaam lamp ki roshnime padhte hain jinhe.
Wo sabse achhe khat hote hain,
Jinke baare me hum jaante hain ki wo daale jaa chuke hain,
Aur jinka intazaar hota hain hume,
Aur jo kho jaate hain daak me,
Jinhe sapno me hi pad paate hain hum.
WO SABSE ACHHE KHAT HOTE HAI.