Dua Nahi Tu Gila Deta Koi
Meri Wafaon Ka Sila Deta Koi
Jab Muquddar Hi Nahi Tha Apna
Deta Bhi Tu Kya Deta Koi
Hasil_e_Ishq Faqat Dard Hai
Ae Kash Pehle Hi Bata Deta Koi
Taqder Mein Tha Agar Asman Chona
Khaak Mein Hi Mila Deta Koi
Guman Hi Ho Jata Kisi Apne Ka
Daman Hi Pakar Ke Hila Deta Koi
Ek Arse Se Atka Hai Hichkiyon Pe Dum
Acha Hota Jo Bhula Deta Koi
Ye Zindagi Tu Ro Ro Ke Kat Gayi
Kya Hota Agar Hansa Deta Koi …
No comments:
Post a Comment